دقلو : لا توجد أي خلافات بين الجيش والدعم السريع
الخرطوم : إسكاي سودان نيوز
اكد نائب رئيس مجلس السيادة و قائد قوات الدعم السريع محمد حمدان دقلو عدم وجود خلاف بينه و الجيش وقال “ما تسمعوا الكلام الفي الإعلام ده نحن ما عندنا أي خلاف مع الجيش ” .واضاف ” ناس الجيش ديل إخوانا ونحن بنتقاسم معاهم النبقة” وتابع خلال مخاطبته لـ”قواته” بمنطقة كرري “يا قوة لو أي واحد من ناس الجيش أداكم كف، أدوه خدكم الثاني”وزاد في خطاب لحشد من قوات الدعم السريع بكرري“لا يمكن أن نختلف مع الجيش نحن خلافنا مع الناس المكنكشين في السلطة ديل”واوصل”يا جماعة الديمقراطية سمحة وبتنفعكم انتو ديل، والعالم كله مع الديمقراطية”. واسترسل قائلا “الأمريكان والأوروبيون وحتى ناس الخليج المشينا ليهم، كلهم قالوا لينا شكلو حكومتكم المدنية حتى ينصلح الحال وتتحسّن الأوضاع”واضاف” من غير حكومة مدنية مافي أي دعم دولي ومافي أي مشاريع نهضة تنموية للسودان، ومافي إعفاء للديون”.